OPOR OSTEKO DEPRESIOA

Uda igaro da ia eta orain gure ohiko erritmora itzultzeko garaia da. Udazkenaren ateetan gaude dagoeneko eta depresioa sortzen zaigu, urduritasun berezi bat, garaiko normala dena, baina zelan egin ahal diogu aurre? Hemen gomendio batzuk:

• Laneko erritmoarekin era lasaian hasi, erritmo lasaia hartu eta gero erritmo altuagoarekin jarraitu. Era berean, saiatu lan atseginetatik hasten.
• Bazkaltzeko edo atsedenaldietako denbora aprobetxatu atsegin duzun jarduera batera itzultzeko edota famili eta gizarte harremanetarako.
• Behar bezala lo egin, zortzi ordu inguru.
• Ordutegi erregularrak mantendu, bai egunean zehar, bai ohera joateko eta ohetik altxatzeko orduetan.
• Ez eraman lanik etxera, berton utzi.
• Ariketa fisikoren bat egin, ahal bada egunero.
• Egin ditzakezun jarduerak aukeratu eta prestaturik ez zaudenen kasuan, delegatu.
• Jarrera errealista eta proaktiboa mantendu.
• Erlaxazioa erregularki praktikatu eta pentsamendu desegokiak edo antsietatea sortu ahal dizkiguten ideia irrazionalak baztertu.

Gomendioez gain badaude produktu natural ugari ongizaterako erabili ahal ditugunak eta momentu ahul hauetan lagungarri direnak, baita terapia egiten duten zentro eta pertsonak. Laudioko merkataritza planean, guzti honi hobeto aurre egin ahal izateko zentro eta establezimendu ezberdinak ditugu:
Satya Yoga eskola, Egoki fisioterapia, Belen psikologoa, Lur belar-denda, Osaketa zentro-medikoa eta kiden Kirol eta osasun zentroa.