Aurten ere, Laudioko erakusleiho lehiaketan Euskararen integrazioa saria banatuko da, 300 euroko bonoa irabazlearentzat, Laudioko komertzioetan kontsumitzeko.
Hona hemen euskarazko mezuak ipintzera animatu direnean bilduma txikia:
2020/12/20
2020/12/04
Euskara, Sari Ziurra zozketaren emaitzak
Gaur, goizeko 11etan, "Euskara, Sari Ziurra" kanpainako sari handien zozketa egin da telematikoki. Hemen ikus dezakezue zenbaki saridunen zerrenda eta gogoratu urtarrilaren 15era arte epea dagoela sari hauek jasotzeko.
Zorionik beroenak sarituei!
2020/11/13
Euskara, Sari Ziurra 2020
Astebeteko epean, hilaren 20an, "Euskara, Sari Ziurra" kanpainari hasiera emango diogu. Aurtengo edizioa, berezia izango da, Euskaraldiarekin batera egingo delako, horrela bi kanpainak uztartuko ditugu.
Merkatariak, azaroaren 20an hasiko dira boletoak banatzen, eta abenduaren 3ra arte banatuko dituzte.
Abenduaren 4an sari handien zozketa egingo da, eta honekin batera, kanpainari amaiera emango diogu.
2020/11/04
Euskarazko kartelak
Laudioko merkatari, ostalari eta enpresa txikietarako euskara egitasmoaren barruan, jarraitzen dugu euskarazko euskarriak egiten. Anima zaitez eta eskatu zurea!
2020/10/19
Bonaire tabernak maila ertaineko hitzarmena sinatu du
Bonaire tabernak, maila ertaineko hitzarmena sinatu du, Laudioko merkatari, ostalari eta zerbitzu enpresentzako euskara planaren barruan. Beraz, komunikazioaz gain, euskarazko zerbitzuan ere urratsak emateko konpromisoa hartu du taberna honek. Horrela ba, laster izango ditugu Bonaireko zerbitzarien identifikazio argazkiak tabernan ikusgai.
2020/10/05
Euskaraldia 2020: Ariguneak Laudion
Ez & Bai arropa- denda, Indriska taberna, Modimel-la mertzeria eta Maritierra arigune izango dira.
2020/07/02
Euskarri bereziak
Hemen azkenengo euskarri ereduak ikusgai! Zure saltokirako baten bat behar izanez gero, jar zaitez gurekin harremanetan eta berehala egingo dizugu. A2 zein A3 tamainan eska daitezke, beharraren arabera.
2020/06/23
Euskarazko euskarriak
Laudio Udalak, merkatari, ostalari eta zerbitzu enpresentzako planaren barruan, euskarazko euskarri ezberdinak eskaintzen dizkizu, zure negozioan ipini ahal izateko. Hemen ikus ditzakezunez gain, zure komertziora egokitutakoak ere eska ditzakezu eta gustura egingo zaizkizu, baita zure negozioan bertan entregatu.
2020/06/15
Laudioko merkatari, ostalari eta zerbitzu enpresetarako euskara plana
Kaixo,
Laudioko merkatari, ostalari eta zerbitzu
enpresentzako euskara planaren bitartez, Laudio Udalak hainbat baliabide
jartzen ditu zure esku, zure negozioan euskararen erabilera sustatzeko eta horrela bezeroari balio erantsi bat eskaini ahal izateko. Behean ikus ditzakezu eskaintzen zaizkizun
zerbitzuak. Anima zaitez eta sina ezazu hitzarmena gurekin!
2020/04/26
Etxealditik Euskaraldira ekimena
Etxean bazaudete ere, Etxealditik Euskaraldira ekimenean parte hartzeko aukera luzatzen dizuegu. Lotura honetan ekimenari buruzko informazio guztia topatuko duzue. Anima zaitezte!
https://euskaraldia.eus/etxealdia/
https://euskaraldia.eus/etxealdia/
2020/02/27
Harategi, okindegi eta frutadendetarako kartel bereziak
Harategi, okindegi eta frutadendetarako kartel bereziak ikusgai Latiorro supermerkatuan, Josu frutadendan, Albizua eta Eskuza harategietan.
Kartel berriak Krispetak eta Goxotxu okindegietan
Harpidetu honetara:
Mezuak (Atom)